حقيقة اشفايفج

حقيقة شفايفج لو رسم مرسومات
شايفهن ولكن بالاوصاف احتار
من بعد بيهن لون حب رمان
ومن عن بعد وردي مكاسراته بنار
انه محار بيهن جاوبيني شلون
ماكبرن وياج وظالات زغار
لوما صايرات اجمل شفاف ايجوز
جابلعود هسه صايرات اوتار
ظل اشبار عنهن ترة من ادنيت
بس حسيت بيني وبين موتي اشبار
انه ماريد امر بيهن برمشة عين
مو صاحب طويلة جايهن حطار
اريد اسكن عليهن كون حد ماموت
واحلم قوك منهن كون تنحط دار
لو تنطينهن قط مايردن ليج
جاكتلج انسيهن ظامهن تذكار