من ناظم الحاشي الى الشهيد رحيم المالكي

عايش بالوهم من حبي إلك ظنيت
وأتخيل عدل والعين تبرالك
شما أريد أمسح رحيم إسمك من النقال
أكولن بلكي أدك وأنت تشيل نقالك
يتم جم طفل من شعبك الإرهاب
لمن لحك عليك ويتم أطفالك
الفرحوا بالمصيبة إنتهوا بالتأبين
من شافوا عزا بكل حي نصبنالك
حالك ذاك حالك بالغنا وبالعوز
ولا كرسي اللي يحكمك فكر بحالك
ميعرفوك جانو بس لمن فكدوك
عرفوا قيمتك من شافوا أفعالك
شاعر والوكت لبسك عوز
ولا مرمر ترفهم وسخ ثيابك
وهسة الخير عندك وأنت ميت جوع
جا بال الحكومة شوكت يصفالك
كلمن جاب سلته وكرمه البستان
بس انته الوحيد الفارغة سلالك

شكرا جزيلا لمرورك