قصيدة حزينة 2013

يمــه ..يمــه ذول اهـل القصر ما لاعبـوني
يمــه من شافوني اجيت اتنـادسو واستغربـوني
يمـــه ما سمونـي بسمـي..وكالـو هـذه ابن الفقير وشتـموني
وكالـو هـذه ابـن الصريـفه.. وعيــرونـي
يمـــــه جـا هوه الفقير شسـوه من نجله بعمـرهم
يمــه جا هيه الصريـفه شماخذه وخايف قصرهم
يمه كالوا لاتمر منا بعد بالك تشم ريحة وردنه
وكالو بجدمك الحافي نخاف يترب عكَدنه
يمه عدهم كلشي عدهم واحنه بس الماكو عدنة ..
يمه لعابات عدهم مدري شنهي , وانه لعاباتي طين
, يمه حته ثيابهم مستغربتني يعاتبن ثوبي الحزين
, يمه جا ليش احنه فقره وليش اهلهم زناكَين
يمــــــه دين الفقره متعب خل نبدله بغير ديــــــن.

الرائـع "كــاظـم خبـط"

» قصيدة رووووووووعة 2012
» قصيدة من قلب الشاعر عريان السيد خلف
» عريان السيد خلف قصيدة للعراق الحبيب
» قصيدة رائعة للشاعر سمير صبيح
» قصيدة جديدة للشاعر نائل المظفر ابن البصرة