معقولة علي ما حظر يوم الطف

معقوله علي ماحضر يوم الطف



وما شاف العقيله تناشغ وترجف




ومعقوله ابوفاضل طاحت ﭼـفوفه



وماجاله علي وشالاه وباس الـﭼـف




ومعقوله زحف جيش الكفر لحسين



وما يوﮔـف علي ويوّﮔـف اليزحف




ومعقوله سمع بسكينه مــرالظيم



وبهـاي الشـدايد علي مـا يوﮔــف




معقوله علَ الكبر دارت الصوبين



وحسين ورباب دموعهم تذرف




ومايحضر علي ويطـﮔ اله بركان



وبركانك علــــــي بيهم حمم يقذف




واللــه بهــل اتى غير الهل بــــلا



وعـــرف الاتى وحطله بس الاف




وصارت لافتى بس علي وذو الفقار



وبهـــاي الطريقه اعلـــــــن وعرف




ومعقــــــــوله اليتامه تلوذ بالسجاد



موانتــــــه الكفيل وابد عيب اتئف




ومعقوله انته تقبـــل تنظر السجاد



حبل بيده ورﮔـبته ومن مشه مجتف




ومعقوله الرضيع يفرفح وعطشان



ومكَطوع الوريد وبالكَماط يــرف




ومـايحضر علي ويجيبله الجرفين



من ماي الفرات وبيده اله يغــرف




لجن هاي ارادت رب عظيم الشان



حتــــــه انظل جميعاَ للحشر نهتف




ونوالي الحسيـــــــن واهل بيته اليوم



ونبقه للقيامــــه بصبره بـــس نحلف