الى سيدي ومولاي الامام علي ع

قصيدة
رثاء لسيدي ومولاي ابا الحسن (ع)

انه أشوفك ياعلي كل الحروف
ياحروف الترهم الاسمك وصف
انت ليث ومرتضى وحامي الدخيل
اوبالاصل كلهن فلا سوون حرف
انت يابوحسين فد شيئأ عجيب
انجمع بيك السلام اوي العنف
انت جفك لليضد ياخذ رؤوس
وانت جفك عالفقير اشكد ترف
انت صحت اعلا الشمس ردت عليك
ومن تصيح النوب ترجع تنصرف
حته ذوالفقار عادل يا أمـــــــــــير
يقسسم الاحاد وايساوي النصف
والدليل الجثث من ظلت وراك
الخمسمية اتصير ياحيدر الف
انت اسرع واحد ابفن القتال
انت سيفك عالركب يخطف خطف
من تشيل السيف دم خصمك يموت
بحيث من اتذبحه مايطلع نزف
خيبر العملاق كالولك عـــــــــليه
باب قلعه موسهل كلش كلف
انت يمه اوصلت بس مدري اشحجيت
وانقلع هالباب بس جست الطرف
انت يمشكاة نور امن الالـــــــه
انت عندك طبعا انباء الصحف
انت بسم الله بأيات الكتاب
ايصير بسم الله منهن تنحذف
انت وسط الرحم اعزل اجيت
الكعبه شمت ريحتك رجفت رجف
ياجدار000 اتكله شكـ روحك اجاك
حيدر اولوطاح يعصفنه عصف
وطالس الفقار صمصامك يحيد
وكلك اوي اعداك ماجامل صلف
التطبره ابسيف مايرفس محال
والتخزره ابعينك ايشوف الحتف
انت يم سلمان حاضر بالعراق
المسافه ابعيده اوصعب الظرف
السرعه مو بالمهر جانت مستحل
السرعه يم الكاع وانخسفت خسف

يخسفاهه

اثر جــــــدمك ابخيبر 000 يخسفاهه
وشمس صفين غيضك000 يخسفاهه
فاه الكـــــــــــال رابع 000 يخس فاهه
اوعلي انت اول بشر فوكـ الوطيه



الشاعر
كاظم علي جازع الركابي
ذي قار قلعة سكر