الوحدة الوطـــــــــــ نائل المظفر نــية

((( الوحدة الوطنية )))
ليـش اكل لحـم اخـوي وليــش ياكـــل هـــوه لحمــــي
مـدري لـون الورقـه يثــول مـدري وجـه الكرســي يعمــــي
انته من ترمي عليه وانه اظـل ارمـي عليـك عالهـدف ياهـوه يرمـــي
تدري ليش الضبيه فرت من ادينه يم صـدره ادافع عن سهمـك وسهمــي
احنه نتحارب عليش لو گـصيـر اردان هدمـك جملـه من اردان هدمــي
ومده فـوگ القمـه واصعــد تلگــه اسمــك شابــگ اسمــــي
انته تعرف ليش طحنه ماكو واحد يحفرلنه وماكو حفره انته معمي وانه معمـي
اتصادمن جدمك بجــدمي طــاح جسمــك طــاح جسمــي
بعده ياخويه الدرب كلش طويل ليش اكسر عضمك وتكسـرلي عضمـي
احنه نتنافس عليش وانته نص الدوله سهمك وانه نص الدولــه سهمـي
ماكفــاه درب الله جدمــك من عبـــر داس اعلــى جدمــــي
وبالسجـن كاشيـه وحــده وانتــه چنــت تنــام يمــــي
وكيبل المر اعلى جسمــك من تعب نــام اعلــى جسمــــي



بعد ما انتخب لا والله والعبـاس لو كتبـو اسم بـأيــات قـرأنـي
بيت الطين يرجف وهمه عرگانين وصورهـم لزگوهـا بطيـن حيطانــي
وشعارات اعلى بيتي يدگله طول اقماش وانه بعازت گماط يغطي رضعانــي
رد الفندقك والجبته اخذه وياك ماريـد القصـر ردنـي اعلـى بنيانـــي
گبل گطنه اعلى حلگي وماصحت مظلوم وجيت انته وشلتها تحـررلسانـي
وگتلي براحتك اصرخ الف مظلوم تره الگطنه لبحلگك صارت بذانـــي