من ابداعات الاسطورة عريان السيد خلف

شفت مرة شمس تموز بردانه

وشفت ليل الشتا بكانون محتر

وشفت ميت يغني بفرقة دفانة

وشفت عريس يلطم فوكَ منبر

وشفت شجرة تدور افياي تعبانة

وشفت زرع المساحي شما جاله يزغر

شفت غنمات اهلنه براعي سرحانه

وشفت شاه فوك الذيب تتبختر

شفت سيف أنذبح بركَاب جوعانة

وشفت ناعور عكس الماي يفتر


شفت عيد الفطر كَدام رمضان

وشفت رمضان يشرب ماي مفطر

شفت ملك المناية وروحة خلصانة

وشفت علامة بنص الحضرة كفر

شفت سيد يسب الناس بلسانة

وشفت سكران من سبوه شور

شفت مكتول كَام و لاوه عدوانة

وبيدة أكَبور ألهم كَام يحفر

شفت دنيانه يوم العيد عريانة

وشفت صفصاف بيه اثمار خضر

شفت شاعر تخورس تيه ألسانة

وشفت خرسان بأعلى الصوت تشعر


من روائع الشاعر

عريان السيد خلف



المصدر: 07707080331