ابوذيات نهاد الخيكاني

(ابوذيات للشاعر الشاب نهاد الخيكاني)


ابصراحه ما اميزك كمت خل لو
عدو لوكلبك من الرحم خل لو
انوليت اوشافني ما صاح خل لو
الامس وانه اعلموده انطيت اديه



جان بكل كتر منك ترسماي
مشيت ومن رحت ضاكت ترسماي
راعي النوك من عيني ترس ماي
بجفاك وبشر العيان بيه



انا الماطرق بابه الفرح لاياه
سوى بعيني دمه فركاك لاياه
خدر لمعثراتك جنت لاياه
عديم الذات ليش لكصيت بيه



وحك الفجعونه بطبر هاماه
بيادر كلبي من يدواك هاماه
اسلهم ما اسلهم نمت هاماه
نمت وجفاك صور ونفخ بيه


ضامي ولا تضن ضامي لماأن
الك لولاك دلالي لماأن
خيلك داست ابصدري لماأن
حليب امي الرضعته اختمر بيه


انفطر كلب امهات الون لوناي
لهب نفسي امنجيت اعزف لوناي
حيل استحق واستاهل لوناي
فطن ما شيدتلك عرش بيه


من شافك جفن عيني شخص ما
طبك شيفي بجدل حبك شخص ما
اعله جلدك كمت اشم ريحه شخص ما
لذالك هالتشم عطاب بيه