مصاب امير المؤمنين

مولاي .. مولاي .. مولاي ها بو الحسن
مولاي .. مولاي .. مرمرنه الزمن

اول التاريخ انت ومصدره
وانت مثلك ابد ما جابت مره
انت دربك عدل مثل المسطره
فارسا حازما عادل حيده

انت من مرحب صرخ . . كتله انا اجيت
هم كلهم دنكو وانت الحجيت
انت راسك رافعه وما دنكيت
مثلك شكد دورت بس ما لكيت

الخلافه تلوك لك بس انت وين
هم عار وانت ثاني القبلتين
احنه كلنا بشاربك تطلبنه دين
احنه مجنونين جننا الحسين

الطائي يذكر بالكرم ويدك جرس
وانت الله اطيته عمرك يافرس
للحقائق وجهك مراية انعكس
وانا اضل اهواك حد كطع النفس

اليتيم جفوفه فرغن يا امير
وانت ابوهم ما تجي تسكت الزغير
انت تعرف ليش اكلك باليصير
العيال اتيه لو مات الجبير

بخاتم ايدك قرضت ربك قرض
ما تاني المن يخلص الفرض
انت حيدر ربك انطالك عرض
من تأشر ع الارض تطوي الارض