منتديات فرسان الشعر الشعبي
اهـــــــــــــــــــلا وســهــــــلا بـــــــــــــــــــــــــــــــــــــــــــــكم
ايـــــها الــمتــذوقـــــون الـــــــــرائعون زوار منــتــدانـــــــا
الــــــــــــــــــــــــــــــــــــــــــغــــــــــــــالـــــــــــــــــــــــيـــــــــــــــن
الــمنـتــدى بــحــاجة الــــــــــــــى مـــشرفـــين ومـــــــــسؤلين
لادارتـــــــــــــــــــــــــــــــــــــــــــــــــــــــــــــــــــــــــــــــــــــــــــهِ
لا تــبــخـــلو فــــــــــــــــــــــــــــــــــــــــ التســجيل ـــــــــــــــي
شاركـــو مــعنا فــــي اســــــــــــــــــرة شعــريــــة
عـــنــوانـــها ( الابــــــــــــــــــداع)
منتديات فرسان الشعر الشعبي
اهـــــــــــــــــــلا وســهــــــلا بـــــــــــــــــــــــــــــــــــــــــــــكم
ايـــــها الــمتــذوقـــــون الـــــــــرائعون زوار منــتــدانـــــــا
الــــــــــــــــــــــــــــــــــــــــــغــــــــــــــالـــــــــــــــــــــــيـــــــــــــــن
الــمنـتــدى بــحــاجة الــــــــــــــى مـــشرفـــين ومـــــــــسؤلين
لادارتـــــــــــــــــــــــــــــــــــــــــــــــــــــــــــــــــــــــــــــــــــــــــــهِ
لا تــبــخـــلو فــــــــــــــــــــــــــــــــــــــــ التســجيل ـــــــــــــــي
شاركـــو مــعنا فــــي اســــــــــــــــــرة شعــريــــة
عـــنــوانـــها ( الابــــــــــــــــــداع)
منتديات فرسان الشعر الشعبي
هل تريد التفاعل مع هذه المساهمة؟ كل ما عليك هو إنشاء حساب جديد ببضع خطوات أو تسجيل الدخول للمتابعة.


منـتدى يختـص بالـــشعر الشــــعبي الـــــعراقي
 
الرئيسيةأحدث الصورالتسجيلدخول
....::: اهلا بكم اعضاء وزوار منتديات فـــرســــــان الشعر الشــــــعبي نسعى لكي يصبح المنتدى شامل لكافة انواع الشعر الشعبي العراقي:::....

 

 احلى القصائد للشاعره المبدعه صابرين الكعبي

اذهب الى الأسفل 
كاتب الموضوعرسالة
صديق العمر




الساعة :
عدد المساهمات : 2
تاريخ التسجيل : 05/11/2011

احلى القصائد للشاعره المبدعه صابرين الكعبي Empty
مُساهمةموضوع: احلى القصائد للشاعره المبدعه صابرين الكعبي   احلى القصائد للشاعره المبدعه صابرين الكعبي I_icon_minitimeالسبت نوفمبر 05, 2011 4:30 pm

اادري بيك
اادري بيك اتريد توصل وادري وين


وادري مويمي الطريق التمشي بيه

وانه مافيدك بعد كافي انتهيت

شوفلك غيري جسر تعبر عليه

وشوف لطيوفك جفن بي تستراح

جفني رافض بالغلط طيفك يجيه

حظنك المطلي بعسل ظكته وبجيت

وصار حبك مر بعد مااشتهيه

الباع شوفة عيني مايسوه الدموع

ولا حشاي اشلون ارجع واشتريه

انه اريد الينكلب بالشده سيف

وينكلب صدره وطن لمن اجيه

انه اريد الاغفه من البد وراه

ومايصفك لليجروني من اديه

+++++++++++++++++++++++++++++++++++++++++++++++


ابكد حناني وياك اشوفك مستحيل

وراهنت ناسي اعله ودك واخسرت

ابعينهم شافوك وانه اعرف تخون

وهاااا تصيح الناس اكلهم ماشفت

امكابر الغركان اكابر من مشيت

وبح صدى السكته ولمحتك من رحت

ماكلتلك ردلي احلفك بالجروح

بالسنين البيهه خسرانه اطلعت

كبريائي ايعاند ابوجه الدموع

ولو تطيح ادموعي احس انه الطحت

عمري اترف من جرح غدر اليخون

حسبي ربي شلون كول اتحملت

وشوفني بياحال نخله ومااطيح

دروبي موت معانده اجروحي وفتت


++++++++++++++++++++++++++++++++++++++++++++++++++ +=

انه اعرفك وادري بيك اتمرني ليل

وكتلك احسب خطوتك لوداعي

كلمتك سيف ويحزكمرة سماي

وتدري نجم الليل الي وتباعي

صرت غيمه اتمن علي جيت ابنداك

وانه تشرب كيض ابشرك كاعي

جان داعيك الغدر لمن مشيت

وهسه اشوف لرجعتك لاداعي

تريد تكسر بيه لون الكبرياء

اشورطك من جيت تلوي اذراعي؟

انه بنت البصره وعيوني الجنوب

وامي نخله وعارفين اطباعي

اطبك السبعه وعلي لو جرحي صاح

وفوك بحر الضيم امد اشراعي

وانته( اكرمت الكريم ..)امن الجروح

وانه بنت اجواد اردا" صاعي



مودتي واحترامي

(بنت الكعبي)
.....................................

ااخر محطه
جيتك طلة نهار
وعيني لبست ظلمة اغيابك عليهه
منين اجيت وليش هسه
بيا جرح تلكاك روحي
من بعد مابردت اضلوع القصيده
وما لكت جفك دفو ايمر صيف بيهه
جرحك المشتول عتبه اباب كلبي
حته من ينداس ينزف ذكريات
ترجع اتسد باب روحي بوجه كل واحد يجيهه
وخلي اسولفلك عله اطيوفك امس
جانن ايمرن عله اعيوني شمس
تلغي لون الخوف بيه...
واعدتني بدمعتي ايخظر عرس
والغياب يصير جيه
ومااجيت ...
ومالمع فجرك ذبح نحر الليالي
ولا عبرت اسوار بالي
ماتدافع جفك وزاح السنين؟ وجابك لواقع حياتي
هواي محبوس بخيالي
الك دمعه تلوذ من كد مستحاهه
لو لمحتك تجمد بسد الجفون
وتكبر اسنين المسافه وانه اضم شوكي وراهه
بين صفنة دمعتي وجيش الندامه
بين ضلعي وضلعي قامتلك قيامه
بينك وبيني شمس... لا مستحيل
ابينه اجروح الامس
روحي رادت جيتك لو من زمان
هسه شهكة حسرتي طفت شمعهه
وطعم المتاناه مرار
لو صفنتك جانت ابلون المكابر
واختنك صدر السمه وكتت دمعهه
بين انقاض التخلف
ردتك تمرني حظاره
حته اميز لون وجهك من سماره
راح اعرفك من اشاره
من ملامح طولك الرافك صفنتي
ولو يلامس جفي ظلك...
تجدح بروحك شراره
وهسه اجيت؟
ابأخر انفاس القصيده؟
ابأخر احلامي البعيده؟
ابأخر الخطوات في اخر محطه
ولن خيالك مو اليه
ولو امد اسنين عمري لشوفتك
تمتد بعيد
ومايلوحك جف اديه
وياطعم غربة دمعتي
الماتحسهه اسنين بحظان المنافي
اللحظه تاكل بالثواني
وانته واني
الالم واحد
من تجوع اجروحنه تاكل صبرنه
ونشتعل للملكه شمعات ابصواني
حيل متاخر اجيت
تدري هاي اخر محطه
البيهه اعوف الليل طافي ابلا كمر؟
وبيهه اعلم عيني تغتال السهر
ومن تجي ابأخر محطات انتظارك
راح اكلك: ها اجيت
شجابك اتاخر نهارك
وانكسر بعيوني واهس طيفهه

بنت الكعبي
......................................

________________________________________
اختلفن وكلهن وجعهن لونه واحد...
طعنتك..
واجروحهم....
والجايات....
والله يستر من يشد الليل حيله..
ومن يكثرهن عليه النايبات...
جان واهس بيه اعاند حته روحي
ومن تمد جفهه اعله نجمك ماتلوحه
وانه اعاند هوه نجمه..
وانتي طولج ليل غصبا" عنه لوحي...
واخخ منج..جنتي صعبه..
شسهلاج؟ ورخصوج الهم يروحي؟؟
راح ارد امسح صورك
من وجه كل الشوارع...
واصيغ الحيطان ليل..
وحلمي ليل..
وانه العاندت الشماته اعليك حيل وبيه حيل..
لاتفززهن خطيه..
ارباة اديك..
اجروحي واتعلمن عليك..
نامن بشوغة صورك..
صحن حلمانات بيك...
طيف طيف
ايمرن بصفحة خيالي
ومن يدكن باب عيني..
يشهك الهور وينشف مي لهاته..
ويعرك بفي مستحاته
ومن ينشدوني رخص بعيونج اشتاك لزمانك..
جان غالي..
وبعده غالي...
وهيج يعصرني المغيب..
مااجذب كلبي اكولن هم نساك..
وشد نبض حيطانه لاسم الغير رايه
ومااكولن عمري ماطاحت سنينه
وماتبده بصبخه مايه..
حرب جانت وانتهت والفجر مات..
وكمت الم ذكراك جن لمة ضحايه
ابهيده امش بيه ارتجيتك...
حيلي بايد..
هدة الشمات كلفه وصعبه يسبكني الورايه...
ابداعت اقصور اهلك الحوبيتهه تسطر..
لان مامغسوله بدموع اليتامه..
بيوتنه الفقره بعد بطلت تشور...
جااا..شكول؟؟بداعتي؟؟
ابكد الغلات الجانت بروحك اليه..
اتشيل ملحك عن جروحي.....
وردني هيبه
وحته حلمك اخذه تذكار لدمعتي ولاتجيبه
انه اريد ايامي كلهن..
عمري منك طالبيته..
وردني هيبه..
مثل ماطحت ابمكاني وانه هيبه..
تردني هيبه..
حلفت عينك تصون اطيوف حبنا
وطارن كبالي شفتهن طيف ..طيف
شلون المهن؟؟؟
انه عمري انطاك عمره
ومابقت بايامي بس كلمة الحيف..

...............................................

رد عله اعيوني الجنت بايك حلمهه
واعتذرلايامنا لساعاتنا لضحكة امس
واطفي شمعات الحلم بدموع عيني
واعمي بجفوف الغدر عين الشمس
انه دنيه ان فاركتني وداعتك ماتلكه مثلي
وانه كلهن مايجن بعدال ظلي
وانه انه وانته خلي
اشما كبر جرحك امد دمعاتي سيل
ومن ترخصني جبيره...
وانه بدموعك اغلي
االليل ساومني عليك
ومارضيت انطيه عن طولك اثر
وامنت ليل الكصيبه بجف اديه
وصارت بلون الفجر
يا الف لعنه اعله طيفك
فارك اجفوني بوكت مابيه حيل
اشتاك واطفه
ومامش احلام الاحطهه بعيني واغفه
اشثكله جرحك؟؟
كد غرورك
يله هم اغتر بعد
وانه خلي ابعد بعد
يلي ماتعرفني حته جروحي هيبه
واحله ونه الاطربلهه ونة المطعون من خنجر حبيبه
بيا وجه شيعني جفك؟؟؟
بيمن انغشيت كلي؟؟
حط ملح للعشره للايام للضحكه
انه اولي؟؟
سوالفك رخصت لغيري
وياكبر جرح السوالف
من يرخصن للغريب
لاتهد باقي السنين وجفي يبني
ولاتضل جرحي الي مايقبل يطيب
ورده جفك..
مااصافح
مااسامح
بطلت اهوه اعله نيتي
وماافرق بين اطباع الحمام وبين
وبين اطباع الجوارح
كلشي واضح
يا.. وطن محتل
بعد مابيه امان
امنين اطبلك
وانته خليت الغريب ايدوس كاعي
ومارفضت جفوف غيري؟؟
وانته تعرف جفي ضي
وانه كتلك : طولي في
وكدرت ثوبك تصورته اعله كدي
وطلع مايرهم
علي
وساومتني اتردلي كلشي
وكلشي ماريد بمذله
انه بيه العزه شتله
وكبريائي بعيني من الكون اغله

واله اله
اشما اطيح التم وارد اوكف صرح
واله اشب عناد بجفوف الملح
والي بايعني بخساره شلون اامن بيه ربح؟؟
....................................................
ليله ليله
ااخذهن ليله ليله وخلي انساك....
المضن والجايات وكلشي مااريد...
تعب جرح القصيده ومالكه اضماد...
لحد ما نزف حبك والمواعيد......
الهدمته امن السنين احلامي الكبار...
بعد مايرهم الهن حته تشييد...
الشمس ذيج الشفتهه بعينك اتنام...
طفت من درت وجهك عني لبعيد...
تعال... وشوفهم ضحكو عله الحال...
الكبل ينسون كلشي امن ارفع الايد...
بعد ياا صابرين؟؟؟؟ وياشعر هااذ؟؟؟
احس حته القوافي اتمر هواديد...
منو المني خذاك؟؟ واخذ دنياي؟؟؟
وتعال؟؟؟ عيوني بيمن بدلتهن؟؟؟؟
كبل جانن ادي جنهن حمامات...
عله صدرك ينامن علمتهن....
تشك زيج الظلوع الحسره وانخاك...
تلم خرزات عمري الطشرتهن...
بعد مالي وطن... حته انته مبيوك
وتبدت ذكرياتي... شلون المهن؟؟؟

واديك توالم لغيري .... ولمهن
واحس طكاتك بضلعي ... ولمهن
يطش اسنيني كدامي ... والمهن
وارد انطش انه اوياهن سويه.....


هاك كلشي اتهنه .. روح الهم خذوك...
ماتفيد احجايتي المابيهه صوت...
ولاتمد جفك ثلج صار الغرام..
مثلما يمشي الجرح بانفاسي موت...
انته مرخوص الوجع ادمنته حيل
جرحي سجة ليل وطيوفك تفوت...
باردات اجروحك وجف الوداع...
ويشتعل جرحك جمر ع الطاري...
انته خطارك فرحتك وانه هيج
مااحب غير الحزن خطاري....
شال من يم بيتنا العيد وضواه...
وصار ابشرك يوم عاشر جاري
شرد اكول؟؟ والله يعلم بالنفوس
ولايراوي بيوم لاحد ناري....

...............................
جمالك مستحه الكون
عله اخدودك جمال ومستحه الكون..
وعله اعيونك وكاحة كل الاطفال
عليك الحال هايم يسأل الروح
وترد الروح من تسأل عله الحال
اطلعك من خيالي ,,,واقفل الباب
تفك الباب كوه وتترس البال
بعيده وماااشوفك فارس احلام
لأن ,,,بس رمش عينك الف خيال
يفال الخير وجهك من تمر يوم
يلاكيك ابـهلاهل يركص الفال
اجه اهلال الفطر ضنه ايتحداك
لـمح بس مقلتك شك زيجه الهلال
تمشينه ابضحكتك جنه غافين
وتوكفنها بخزرتك حظر تجوال
وتحذر بالفرع لاتعبر ابيوم
لان ببيوتنه ثق يحدث اشكال
تطيح ابيوت وتفطر حياطين
وتهد بيبانه وتتهدل اهدال
والك كل دار يركض من تمر دار
وعكل شارعنه يفتر من تمر دار
عليك الحسن هونك من تمر دار
لكلبي وبالجذب عاين عليه...........

تحياتي
بنت الكعبي

انتظروا الجزء الثاني
[center]
الرجوع الى أعلى الصفحة اذهب الى الأسفل
 
احلى القصائد للشاعره المبدعه صابرين الكعبي
الرجوع الى أعلى الصفحة 
صفحة 1 من اصل 1
 مواضيع مماثلة
-
» حيف للشاعرة صابرين الكعبي
» احلى شعر حكمة
» احلى شعر حكمة

صلاحيات هذا المنتدى:لاتستطيع الرد على المواضيع في هذا المنتدى
منتديات فرسان الشعر الشعبي :: منتدى القصائد شعرية-
انتقل الى: