ابوذيات رمضان 2011

وحق رمضان وصيامة ولمساك
اريدن بس اشوفنك ولمسك
هجرك صوم يمدلل ولمساك
وعيد الفطر من تكبل عليه
___________________
تهانينا بشهر الخير وبعده
ولكل غــالي ابقـربه وبعده
وشـر الحاسد كفـنا وبعده
يوم العيد لاتنسوا الهديه
_____________________
ابشهر الله موائدنا فريده
هريس او شربت او ملة فريده
خصوصا هالكباب الهف اريده
عليه بالخمس نضرب في العشيه
_________________________
بس ساعات نفطر عز لنهار
ابغيبه اللي تشيَّد نزل وانهار
او خسر كل من يحش جنات وانهار
او كل نفس اخسرت نفس شقيه
____________________________
اتحمل تخسر اصيامك ابشربه
كل فعلٍ ردي لازم الشر به
او من تخْلص ترى صومك ابشر به
تلقى الرحمه من رب البريه
________________________________
هلة برمضان شهر الخير_______ من جاي
يل المذوب ا لذنوب وبيك_______منجاي
دخيــــلك لاتروح اگربلي _______من جاي
بخيت الي حظة بقدر الزكيــــــــــــــــــــــــــــــة
__________________________________
اجـــــــــــــيلك مشـــتهي وصلك...........ونالك
يا رمضـــــــــان انخـــــلقت الية............ونالك
گـــلبــــي بالســــــــنة الفاتـــــت...........ون الك
مــن عـنـــــي ابـــــــعدت طــاح بهبيــــــــــــــــة
................................................
نريــــــد اليوم ننسى الصار ..............والجار
ونلتم بيــــــد وحدة الجــــــار.............والجار
لان رمضان جرنة بحظنــــة..............والجار
شهر الخير ادعوا نضــــــل سويـــــــــــــــــــة
................................................
انصحـــــــك لا قصر ينفع ................فلا مال
وشجا ميزانــك مگبـــــــــن...............فلا مال
اريدك تقتــــــدي بحيـــــدر................فلا مل
يذكر خالقـة بصبح ومسيـــــــــــــــــــــــــــــــــــة
نريــــــد اليوم ننسى الصار ..............والجار
ونلتم بيــــــد وحدة الجــــــار.............والجار
لان رمضان جرنة بحظنــــة..............والجار
شهر الخير ادعوا نضــــــل سويـــــــــــــــــــة